Amínósýrur

Amínósýrur eru í raun byggingarefni prótína, en hver einasta lífvera er gerð úr prótínum, allt frá hinu stærsta dýri að minnstu örveru. Vöðvar, liðbönd, bandvefur, innyfli, kirtlar, neglur, hár og mikill hluti líkamsvökva, þetta er allt samsett úr prótínum. Eins gegna prótín lykilhlutverki í beinvexti. Prótín hjálpa til við að halda vatnsmagni líkamans í jafnvægi og viðhalda réttu sýrustigi. Þau aðstoða við flutning næringarefna á milli frumuvökva og vefs, blóðs og vessa. Skortur á prótíni getur því ruglað vökvajafnvægi líkamans og valdið bjúgi.